CTAM beynəlxalq konfransda

“Cosmoline” Tərcümə və Araşdırma Mərkəzi cari ilin 05-06 dekabr tarixlərində Qərbi Azərbaycan İcmasının (QAİ) təşkilatçılığı ilə “Qayıdış hüququ: Ermənistandan zorla çıxarılmış azərbaycanlılar üçün ədalətin təmin edilməsi” mövzusunda keçirilən II beynəlxalq konfransda iştirak etmişdir.

Konfrans zamanı yerli və xarici nümayəndələr ilə CTAM-ın Qafqaz regionu üzrə eksperti Həsən Əhmədov arasında elmi müstəvidə müzakirələr aparılmışdır. Böhrandan sonra uşaqların dözümlülüyü üzrə mütəxəssis Osamudiamen Otasowie, Amerika Dini Azadlıq Mərkəzinin baş direktoru Cannah Skott, İrəvan xanının varisi Əmir Əli Sərdari İrəvani, Çexiya-Azərbaycan Elm və Mədəniyyət Mərkəzinin sədri, professor Azər Kərimov Qərbi azərbaycanlıların öz dədə-baba torpaqlarına ədalətli qayıdış hüququnu dəstəklədiklərini bildirmişlər.